Deti, kolonel Pashaj i përgjigjet Berishës: Ja ku gabove! I paturp


'Qëllimi i Berishës mos nisin negociatat me Greqinë'

Koloneli i Detit Myslim Pashaj i përgjigjet ashpër ish-kryeministrit Sali Berisha, i cili në një emisionin televiziv e quajti mashtrues.  Myslim Pashaj thotë se Berisha bëri një pakt të fshehtë, pa plotfuqi, pa studim shumë përmasor dhe pa hartë shqiptare asokohe duke falur territorin. Koloneli deklaron se Berisha, jo vetëm që i shiti detin Greqisë, por tani qëllimi i tij kryesor është që të mos fillojnë negociatat dhe të çohet çështja në Gjykatën e Hagës, apo Hamburgut.

Pala shqiptare, në pritje të autorizimit nga Meta po përgatitet për të nisur negociatat me Greqinë për kufirin detar me Greqinë, pasi marrëveshjen e parë me Greqinë të firmosur nga Berisha dhe Basha e rrëzoi Gjykata Kushtetuese, ndërsa ishte pikërisht Kolonel Pasha një ndër të parët që e denoncoi faljen që po i bëhej shtetit helen. Opozita sot ka dalë kundër negociatave me Greqinë duke akuzuar se koloneli Artur Meçollari që është pjesë e grupit negociatior është spiun.

Deklarata e plotë e Myslim Pashajt
Nëntë vjet më parë kur dhatë intervistë në : “ Zëri Amerikës” më quajte “sharlatan, kryesharlatan!” Kjo , sigurisht është një sharje dhe fyerje e rëndë. Edhe pse jemi pjesë e së njëjtës bashkësi, një Det i tërë na ndan! Ti shëmbëllim i energjisë diabolike që s’të shter. Unë ndodhem në transhenë time të hershme, një kolonel i ushtrisë shqiptare, gjithnjë roje në hartografinë e kufijve historikë! Aty më gjeti kumti, kur një gazetar, solli një tekst marrëveshjeje dhe të qepur nga pas, një listë koordinatash të vijës ndarëse të detit midis Greqisë dhe Shqipërisë. Ishte  data 27.04.2009. Vija pushtuese kish ardhur deri në mesin e Otrantos. Ky ishte kushtrimi. Të nesërmen mediumet shqiptare botuan hartën e asaj vije . Ti kishe bërë një Pakt të fshehtë, pa tejdukshmëri, pa plotfuqi, pa studim shumëpërmasor, pa hartë shqiptare, pa versione hartografike të propozuara nga pala shqiptare, e kryer me aq nxitim, ashtu siç e ka trajtën e një Pakt i Fshehtë.

Kush është sharlatani !?

Vijon marrëzia jote! Sapo e gjetëm asaj stine, hartën e shtetit fqinj, ku ishte shtrirë Deti ynë i prerë dhe ti more kompasin nga duart e Komandës së Forcave Detare dhe fillove të masësh e të shpjegosh humbjen. Unë sogjetoja nga transheja ime, hulumtoja se ç’batërdi kish bërë ekipi yt.

Dhe a e di se  ky ekip nuk ka pranuar të bëjë Testin e Përpjestueshmërisë: sa sipërfaqe detare ka marrë secili vend në përkim me gjatësitë e vijave bregore të Dheut Kontinental të Shqipërisë dhe gjatësisë së vijës bregore ishullore të Arkipelagut të Korfuzit.

a) Shqipëria ka marrë në Çdo km gjatësi vije bregore, 10,2 km2 det.

b) Greqia ka marrë në Çdo km gjatësi vije bregore, 17,9 km2.

 

Kush është pra sharlatani!?

Mediumet shqiptare kanë bërë veprën më të lartë në përgatitjen e opinionit dhe qartësimin e tij. Ndjeshmëria e çoi çështjen në Gjykatën Kushtetuese e cila kishte numra politikë të varur prej teje. Mirpo ajo nuk të pyeti ty dhe votoi 9:0 dhe e hodhi poshtë. Në Gjykatën Kushtetuese pamë memecllëkun dhe lidhjen politike të ekipit tënd që s’përmendi kurrë se ç’kish ndodhur me Barketën, me Gjirin e Sarandës, se si iu ishte dhënë Det Territorial: shkëmborit Serpa, ishujve  Tignosso ( Peristeri),  Erikussa,  Othonoi, kundruall vijës zotëruese të Dheut Kontinental të Shqipërisë. Dhe aty u ndje deklarata e padëgjuar më parë: “ Greqia ka marrë det më shumë sepse ka edhe flotë detare më të madhe!”

Atëherë kush është kryesharlatani?

Sali Berishë, sot e kësaj dite ti ulërin dhe shkrofëtin si nga tribuja se “ I vetmi ekspert është Myslim Pasha” duke mos e përmendur Gjykatën Kushtetuese e cila kishte ekspertizën më të lartë të së Drejtës Detare Ndërkombëtare dhe të studjuesëve të shumtë çka e gjeti përkimin e saj në një Vendim me cilësi profesionale shëmbullore. Ndërkaq Kundëradmirali vijon të njëtin avaz dhe të njëjtën pyetje se “ Ku janë 354 km2 ?” ashtu sikundër edhe Fevziu i Opinionit. Unë kam qënë i hapur i drejpërdrejtë në argumente, në shkrimet dhe librin tim të publikuar “ Deti që nuk falet. Të fshehtat e paktit Detar Greqi – Shqipëri” qysh pas Vendimit të Gjykatës Kushtetuese, me mbi 150 artikuj të publikuar në mediume të ndryshme. Ja kjo është vepra ime për qytetarët shqiptarë.

Dhe kush është sharlatani!?

Ti, mashtron dhe gënjen aq paturpësisht se Kompania ligjore  “Deëey & LeBoeuf LLP , paska vënë në dukje për marrëveshjen se ka qënë “proper agreement” çka është një gënjeshtër. Kurse ajo është shprehur që “ Nuk mund të ketë Marrëveshje më të keqe se sa kjo, ku Shqipëria ka humbur! “ Shkoni në arkiv dhe do ta gjeni!

Kush është pra, Kryesharlatani?

Tani që po përgatiten për të rinegocuar marrëzia jote i kapërxen përfytyrimet. Ti akuzon se po shitet Deti...se po bëhën pazare...ti ulërin se do të shtrihesh në Hapësirat Ekonomike Ekskluzive  ku ka naftë...dhe aty veç mbi trupin tënd do të kalojnë...shtrihesh në atë pjesë të cilën e ke dhënë në marrëveshjen tënde...!!!” dhe flet pastaj për “3 milje, 6 milje , 12 milje...flet për Italinë e Greqinë”  dhe vetëm gënjen, e mashtron opinionin shqiptar me të pavërteta të marramendëse.  Qëllimi yt kryesor është që të mos fillojnë negociatat dhe të çohet çështja në Gjykatën e Hagës, apo Hamburgut.

Kush është sharlatani?

Unë jam këtu, në transhenë time të Kolonelit dhe të Intelektualit të vijës së parë. Ju, në pozicionin e fshehjes dhe të manipulimit të paskrupullt të një vepre që cënon Integritetin e Shqipërisë.

 Ëashington D.C. 5 mars 2018

d.b/shqiptarja.com

Read 764 times
Login to post comments

About

PiNESKA ONLiNE eshte komunitet shqiptar ne internet. PiNESKA eshte nje nisme private e filluar ne vitin 2008 prej nje grupi emigrantesh shqiptare ne USA, me qellim lajmet dhe ndodhite nga Diaspora dhe Memedheu. Eshte faqe teresisht falas per te gjithe antaret e saj dhe gjithashtu nuk eshte faqe fitimprurese... stafi i saj, nuk paguhet por bashkepunon ne baze vullnetare. Jeni te mirepritur te na sugjeroni, kritikoni dhe te merrni pjese aktive ne stafin tone.

Online

We have 13 guests and no members online

FOTO

Top
We use cookies to improve our website. By continuing to use this website, you are giving consent to cookies being used. More details…